L’alderique, moderáu por Borja Menéndez, van cuntar co la presencia de

• Andrés de Francisco: Autor del llibru, doctor en filosofía y profesor titular de la Universidá Complutense de Madrid.
• Ana Useros, Documentalista, programadora de cine y traductora.
• Germán Cano, profesor titular de Filosofía na Universidá d’Alcalá de Henares.

Lloñe  de modes y coxuntures, esti llibru ñaz de la fascinación pol cine de Visconti y l’universu cultural de les sos grandes películes de madurez. Cola crisis de la modernidá como tresfondo y la decadencia como leitmotiv, el llector va perecorrer de la lliteratura a la filosofía y la historia pa metese nun universu onde estética y política s’axunten. Onde’l mal y el bien conviven d’una manera afayadiza. Onde la sofisticación nun ye a enterrar a lo grotesco, y la muerte torna en pruyimientu.

Nesti universu de lluz crepuscular y sutil melancolía, con tanta elegancia como ironía, esponen los sos pensamientos Platón, Schopenhauer y Nietzsche. Ellí escriben los sos cuentos maraviosos Thomas Mann y Giuseppe di Lampedusa. Ellí viven y muerren reis, príncipes y artistes de la que suena la música de Verdi, Wagner o Mahler. Esti Visconti y la decadencia ye una invitación a recuperar –de la mano del meyor cine de Visconti– lo meyor de la gran cultura europea de finales del sieglu XIX y principios del XX.

Pero nun ye eso namás. El llibru d’Andrés de Francisco ye una invitación a reflexonar –ente otres coses– sobre l’erotismu y la guapura, sobre la vida y la so traxedia, o sobre la resquiebra de la civilización burguesa y la barbarie fascista.

Una oportunidá mui bona pa un alderique interesante sobre de la decadencia de la sociedá occidental.