La xunta directiva de la mierense Asociación Serondaya alcordó otorgar el Premiu Serondaya de la Cultura a la Sociedá Cultural Xixonesa en reconocencia a la so dedicación constante, mientres cincuenta años, al desenvolvimientu de la cultura nes sos múltiples manifestaciones, al trabayu eficiente en favor de la tradición popular y al fomentu del pensamientu críticu, consolidándose como un proyectu de referencia.

La Sociedá Cultural Xixonesa fúndase en 1968 y, dende entós, foi consolidándose como un referente na ciudá. Esta asociación siguió dende los sos entamos el filu de los ateneos obreros y, anguaño, caltien esa esencia crítica, que caracterizó a la institución dende los sos oríxenes.

Pin It on Pinterest

Share This
X